「葉太」BB爬贏「陳太」BB

昨天國慶假期，Emily早上去完國慶酒會，下午無工作在身就四圍盪，誰不知在將軍澳給我撞到陳太、葉劉、煲呔和袋巾，仲要有劉翔同大熊貓！實情是商場搞BB爬行大賽，借一班名人「過橋」，陳太葉劉決戰在即，我當然要睇這場「Q版世紀大戰」。

「葉劉」鄭鞍翹和「陳太」何芷僑成為全場焦點，幾經記者要求才肯跟「煲呔」合照。到正式落場較量，「葉劉」發揮實力，爬得第5，贏「陳太」一個身位。至於「袋巾」繆皓賢，一起步便緊追「煲呔」何子傲，兩人不相伯仲，得雙亞軍。在8名BB中脫穎而出的，是「熊貓女」黎倬嘉，未知與她的動物打扮有沒有關係。Emily賽前其實睇好「欄王劉翔」，雖然無欄讓他跨，但總不會輸給一班政治動物。怎知「欄王」大熱倒灶，連起步都有困難，最後做了「包尾大幡」。

昨日舉行的「國慶BB爬行大賽」，超過200個BB參加。Emily發現，今年父母們除了用玩具、鑰匙等引起BB注意，更有不少家長以近期大熱的NDS遊戲機吸引BB向前爬。唉！真是「未學行，先學打機」！